1459 juni 17, Abdij Echternach Luxemburg
Archief abdij Echternach; 17-6-1459
Komt overeen met AKDOG inv nr 647 (regest 323a)
Wynand, abt, Bernard van Beffort, deken, Johannes Mecherer, koster, Koenraad, camerarius, en de overige broeders van het convent van Echternach, geven volmacht aan Willem Lippen van Zeelst in het geschil met de Ballije van Oudenbiezen en de Kommanderij Gemert over de novale tienden van Gemert.
Publicatie: Wampach deel 10, nummer 109
Abschrift saec. XVi in der HS. 29, 22b, fol. 52, auf dem Staatsarchiv zu Luxemburg (B). — Transsumpt in der Urkunde von 1461, September 2, ebd. fol. 66 (B).
Überschrift in B: Procuratorium ad agendum contra dominos Theutonicos de Gemert.
De tekst van Wampach is hier overgenomen.
In nomine Domini amen.Tenore presentis publici instrumenti cunctis pateat evidenter, quod anno a nativitate eiusdem Domini millesimo quadringentesimo quinquagesimo nono, indictione septima, decima septima die mensis Junii hora vesperarum vel quasi, pontificatus sanctissimi in Christo patris et domini nostri domini Pii divina providencia pape secundi anno primo, in mei notarii publici testiumque infrascriptorum ad hoc vocatorum specialiter et rogatorum presencia personaliter constituti venerabiles et religiosi viri domini dominus Wynandus, Dei paciencia abbas, necnon BC etc., Bernardus de Beffort, decanus, Johannes Mecherer custos, Conradus camerarius ac ceteri fratres conventuales professi monasterii Epternacensis, ordinis sancti Benedicti, Treverensis diocesis, propter infrascripta peragenda capitulariter capitulo ad hoc indicto congregati, et tarn coniunctim quam divisim pro se et eorum successoribus ac commodo et utilitate eorum monasterii ac ad evitandum litem, dispendia et vexaciones omnibus meliorihus via, modo, iure, causa et forma quibus melius et efficacius potuerunt et debuerunt, possuntque et debent, fecerunt, constituerunt, crearunt et solempniter deputarunt suum verum, certum, legitimum et indubitatum procuratorem, actorem, factorem negociorumque suorum infrascriptorum gestorem ac nuncium specialem et generalem, ita tarnen quod specialitas generalitati non deroget nec econtra, scilicet probum et honestum virum Wilhelmum Lippen commorantem infra parrochiam de Zelst, licet absentem tamquam presentem nomine ipsorum constituentium et pro ipsis dictoque eorum monasterio super differenciis inter prefatos constituentes ex una necnon venerabiles viros dominus Mathiam van der Straten, commendatorem domus Traiectensis, ac Nicolaum van der Dysstergen, commendatorem domus de Ghemert, ceterosque fratres ballivie de Junctis hospitalis beate Marie Theutonicorum Hierosolimitani Leodiensis diocesis ex alia partibus occasione decimalium novalium fructuum infra limites decimales ville de Gemert excretorum et excrescendorum subortis et suboriri valenlibus in arbitros, arbitratores seu amicabiles compositores ac eciam in superiorem arbitum, arbitratorem seu amicabile compositrem compromittendum compromissumque huiusmodi prius vallandum, sentenciam seu sentencias arbitralem seu arbitrales, dictumque seu laudum ferri seu dici petendum et obtinendum ac eciam super differenciis nomine ipsorum constituentium et pro ipsis eorumque monasterio cum dictis commendatoribus, fratribus et aliis quibuscumque personis in ea parte interesse pretendentibus concordandum concordiamque iniendum, transegendum, tractandum, faciendum et fieri mandatum partesquc predictas desuper rite paciscendum totumque negocium huiusmodi cedandum et terminandum, promissionesque et obligaciones quascumque, fideique et penalium interposiciones ac iuramentum quodcumque licitum et honestum, quod postulat iuris ordo in animas dictorum constituencium et pro ipsis prestandum et faciendum ac prestari et fieri petendum, unum quoque vel plures procuratorem vel procuratores loco substituendum, qui in premissis omnibus et singulis eandem et consimilem habeat seu habeant potestatem ac eum et eos revocandum el. onus procuracionis huiusmodi in se ut prius reassumendum tociens quociens opus fuerit et dicto eorum procuratori visum fuerit expedire presenti procuracionis mandato nichilominus suo robore permansuro ceteraque omnia et singula dicendum, gerendum, exercendum, procurandum, que verus et legitimus procurator faceret, diceret, gereret, exerceret et procuraret, queque ipsimet constituentes facerent, dicerent, gererent, exercerent et procurarent seu facere, dicere, gerere, exercere possent, si premissis omnibus et singulis presentes et personaliter [inter]essent, eciam si talia forent, que a iure mandatum magis exigerent speciale et maiora essent prenarratis, promittentes iidem constituentes per fides suas corporales in manus mei notarii publici infrascripti legitime stipulantis et recipientis vice et loco omnium et singulorum quorum interest, intererit seu interesse poterit quomodolibet in futurum prestitas loco iuramenti, se ratum, gratum atque firmum perpetuo habituros totum id et quidquid per dictum eorum procuratorem et ab eo substitutum et eorum quemlibet actum, dictum, factum gestumve fuerit in premissis seu alias quomodolibet procuratum ipsumque eorum procuratorem constitutum ac ab eo substitutum et eorum quemlibet ab omni onere satis dandi relevare et relevant per presentes necnon iudicio sisti et iudicatum solvi cum singulis suis clausulis necessariis et oportunis sub omnium suorum presencium et futurorum ypotheca et obligacione bonorum ac sub omni renunciacione iuris pariter et cautela. Super quibus omnibus et singulis prefatus dominus abbas una cum prenominatis dominis ac conventualibus petierunt a me notario subscripto eis fieri instrumentum seu instrumenta unum vel plura quot fuerint necessarium seu necessaria omnibus iuribus, modo et forma quibus melius potest fieri.
Acta fuerunt hec in loco capitulari dicti monasterii sub anno, indictione, mense, die, hora et pontificatu premissis omnibus, presentibus ibidem domino Johanne Luyrgin pastore in Edingen, domino Wilhelmo filio Ceratoris presbiteris Treverensis diocesis necnon Nicolao Irhel layco testibus ad premissa specialiter requisitis et rogatis.
In B die Unterschrift des Notars:
Et ego Johannes Franck de Epternaco, presbiter Treverensis diocesis, publicus sacra imperiali auctoritate notarius, quia premissis omnibus constitucioni, creationi, ordinationi necnon stipulacioni et singulis aliis premissis dum sic ut premittitur fierent et agerentur una cum prenominatis testibus presens fui eaque sic fieri vidi et audivi, idcirco hoc presens publicum instrumentum aliena manu scriptum me aliis occupato negociis desuper confeci propriaque manu mea subscripsi, publicavi et in hanc pulblicam formam redegi signoque et nomine meis solitis et consuetis signavi rogatus diligenter et requisitus in fidem et testimonium omnium et singulorum premissorum.