1437 april 13, Abdij Echternach, Wampach IX-823
Archief abdij Echternach Staatsarchief Luxemburg, 13-4-1437
Eberhard von Sawnszheim, Hochmeister der Deutschherren für Deutschland und Italiën, bekundet seine Einwilligung zu derzwischen Abt Peter von Echternach, dem Provinzial und den Landkomturen von Utrecht getroffenen Eingliederung der Pfarrkirchen von Bakel und Deurne in die neugebildete Pfarrei von Gemert.
Burg Horveck, 1437, April 13.
Originalurkunde auf dem Staatsarchiv zu Luxemburg (A). Abschrift in der HS. 29, 20, f. 22 (liber octavus), ebd. (B). — Beglaubigte Kopie vom Notar Lebkuecher, ebd. — Regest in der HS. 18, Abt. 15, S. 293, nr. 27, auf dem Historischen Institut daselbst.
Das Siegel ist abgefallen. — Ein Dorsualvermerk saec. 15: De incorporatione ecclesiarum in Bakel et Dorne ad Gemert. 1437.
Uit: Wampach – Urkunden- und Quellenbuch, dl. IX akte 823
Universis et singulis presentes litteras visuris Eberhardus de Sawnszheim, hospitalis Beate Marie Theoteunicorum Iherosolimitani per Alamanniam et Italiam magister et preceptor generalis, salutem in Domino et veritatem agnoscere subscriptorum.
Cum ex litteris desuper confectis et earundem tenoribus lucidius edocti intelleximus religiosos viros Theodericum de Bergenhusen provincialem et Nicolaum von der Dussen domus Traiectensis commendatores ceterosque fratres balivie de Junccis ordinis nostri predicti ob favorabilem consensum per reverendum patrem dominum Petrum abbatem eiusque venerabilem conventum ecclesie sancti Willibrordi Epternacensis, ordinis sancti Benedicti, Treverensis diocesis, suppressioni rectorie de Bakel et de Dorne ecclesiarum parochialium rite unitarum ac ecclesiae parrochialis nove in villa Gemerd nostri domini erigende cum fructuum, reddituum, proventuum et decimarum assigacione et applicacione omnibusque aliis et singulis exinde secutis et secuturis benivole prestitum, ad relevandum in feodum sub certo canone a dicto domino abbate eiusve receptore infra villicatum Bustensem patronatum seu jus presentandi rectorem ad ecclesiam parrochialem in villa Gemerd predictam et cetera alia in dictis litteris contenta se in perpetuum obligasse.
Petentes igitur a nobis dicti commendatores et fratres humiliter et instanter huiusmodi eorum obligaciones per nos laudari, approbari et confirmari, unde nos Eberhardus magister prefatus rationabili peticioni eorundem favorabiliter annuentes huiusmodi litteras super feodi relevacione census perpetui, solucione novalium, percepcione cum omnibus aliis et singulis in eisdem continentis ex causa predicta obligatorias et eisdem domino abbati et conventui desuper datis et assignatis hic pro sufficienter expressis habentes ex certa nostra scientia laudamus, ratificamus et approbamus per presentes ac nostrum plenarium eisdem prebemus assensum pariter et consensum harum testimonio litterarum sigilli nostri appensione munitarum.
Datum in castro nostro Horveck anno Domini millesimo quadringentesimo tricesimo septimo die decima tercia mensis Aprilis.